Qytaıda laı kóshkini qurbandarynyń sany 1 myńǵa jetti
ASTANA. Tamyzdyń 12-si. QazAqparat - Qytaıdyń soltústik-batysynda nóser jańbyrdyń saldarynan bolǵan laı kóshkininiń qurbandarynyń sany kún saıyn kóbeıip keledi.
«Rossııa 24» telearnasynyń aqparaty boıynsha, qazirdiń ózinde apat saldarynan 1 myńdaı adam qaza tapqan, taǵy 600 adam iz-túzsiz joǵalǵan.
Qutqarý operatsııalary jalǵasýda. Apat aýdanynan 45 myńdaı adam qaýipsiz jerge kóshirildi - bul jergilikti halyqtyń úshten biri.
Esterińizge sala keteıik, ótken demalys kúnderi Gansý provıntsııasynda birneshe laı kóshkini bolyp, sý men laı jáne tas aralas sel tasqyny 6300-deı úıdi shaıyp ketken bolatyn, taǵy 700 úı qatty zaqymdanǵan.
Provıntsııada kólik jáne temirjol qatynasy úzilgen, jaryq joq.
