Qytaıda laı kóshkini 15 adamnyń ómirin qıdy, 118-i iz-túzsiz joǵaldy
BEIJІŃ. QazAqparat - Qytaıdyń Desı qalasy (Sychýan provıntsııasynyń ońtústik-batysy) mańyndaǵy Sınmo aýylyna laı kóshkininiń túsýi saldarynan iz-túzsiz joǵalǵandar sany - 118, qaza bolǵandar - 15, jaraqattanǵandar sany 3 adamǵa jetti, dep habarlaıdy «QazAqparat» HAA-nyń Qytaıdaǵy menshikti tilshisi.
«Sıntszınbao» basylymy jeksenbi kúni habarlaǵandaı, saǵat 22.00-ge qaraı (Astana ýaqyty boıynsha 20.00) qutqarýshylar 15 adamnyń denesin tapty.
Tabıǵı apatqa baılanysty QHR Tóraǵasy Sı Tszınpın kóshkin astynda qalyp qoıǵandardy shyǵaryp alý úshin barlyq kúshterdi jumyldyrýdy tapsyrdy. Іzdestirý-qutqarý jumystarymen 3 myń adam men 150 tehnıka aınalysýda.
QHR ulttyq seısmıkalyq ortalyǵynyń málimetinshe, kóshkin Sınmo aýylyna 24 maýsym kúni saǵat 05.38-de tústi. 100 sekýndta túsken massanyń kólemi 8 mln tekshe metrdi qurady.
