Qytaıda laı-kóshkin saldarynan 9 adam úıindi astynda qaldy
ASTANA. QazAqparat - Tsınhaı provıntsııasy Matsın ýeziniń aýmaǵynda (Qytaıdyń soltústik batysy) taý kóshkini saldarynan toǵyz adam úıindi astynda qaldy, dep habarlaıdy Sınhýa jergilikti ákimshilikke silteme jasap.
Qaıǵyly oqıǵa sársenbi kúni tańerteń saǵat 04:30-da Syjoýtsıan aýylynda bolǵan.
Bastapqy málimet boıynsha, úıindiniń astynda úsh otbasynyń 9 múshesi qalyp qoıǵan. Qazirgi tańǵa deıin tek úsh zardap shegýshi tabylǵan. Onyń bireýi qaza tapsa, ekeýi aýrýhanaǵa jetkizildi.
Budan bólek, oqıǵa saldarynan provıntsıaldyq mańyzy bar jergilikti tasjoldyń birinde qozǵalys shekteldi, sondaı-aq Sehetse ózeniniń keme júretin tusy jabylyp qaldy.
