Qytaıda qustardyń jappaı qyrylý faktisi tirkeldi
ASTANA. 21 qańtar. QazAqparat - Beıjiń qalasy syrtyndaǵy aýdanda ornalasqan Shatszyın aýylynda qustardyń jappaı qyrylý faktisi tirkeldi. Ólgen qustardyń arasynda qara baryldaq torǵaılar, jabaıy úırekter men saýysqandar kóptep kezdesken, olar Sıaotsın ózeniniń jaǵasynan tabylyp otyr.
Bul týraly jergilikti BAQ aqparattaryna silteme jasaı otyryp, Ýtro.rý agenttigi habarlady. Al sol jerdegi halyq qustar qandaı da bir aýrýdan ólip, keseldi halyqqa juqtyrady dep qaýiptenýde.
Alaıda mamandar halyqty sabyrlylyq saqtaýǵa shaqyrdy. «Biz ólgen qustardan qus tumaýy nemese basqa da bir juqpaly aýrýdy tapqan joqpyz», - deıdi sanıtarlyq-epıdemıologııalyq ortalyqtyń qyzmetkeri. Ol sondaı-aq qustar ashtyqtan ne bolmasa qolaısyz aýa raıynyń saldarynan ólýi múmkin degen boljam aıtty.
