Qytaıda kúshti jer silkinisi boldy
ASTANA. Maýsymnyń 4-i. QazAqparat - Qytaıdyń soltústik-batysynda kúshi Rıhter baǵamy boıynsha 5,3 baldyq jer silkinisi boldy. Onyń kindigi Tsınhaı provıntsııasyndaǵy ıÝıshý ýezinen 60 shaqyrym jerde ornalassa, oshaǵy 7 shaqyrym tereńdikte tirkelgen. Qıraýlar men qurban bolǵandar týraly derekter túsken joq, dep habarlaıdy «Sınhýa» agenttigi.
Esterińizge sala keteıik, sáýirdiń 14-inde osy Tsınhaı provıntsııasynda qýatty zilzala bolyp, onyń saldarynan 2 myńnan astam adam qurban bolǵan, 12 myńnan astamy jaralanǵan edi. Ol joly jerasty dúmpýleriniń kúshi Rıhter baǵamy boıynsha 7,1 balǵa jetken edi.
