Qytaıda kúshti sý tasqynynyń saldarynan 25 adam mert boldy, 14-i habar-osharsyz ketti
ASTANA. 22 qyrkúıek. QazAqparat - Qytaıdyń Sychýan provıntsııasyndaǵy kúshti sý tasqynynyń saldarynan 25 adam mert boldy, 14-i iz-túzsiz ketti, dep habarlady Rosbalt.
ITAR-TASS-tyń jergilikti BAQ-qa silteme jasap habarlaýynsha, Tsıýıtszıan ózenindegi sýdyń deńgeıi rekordtyq mejege - 27,8 metrge deıin kóterildi. Tasqyn saldarynan 83 myń úı qırady nemese búlindi. Jalpy kelgen zııan 13,3 mlrd.ıýan (2,1 mlrd. dollar) kóleminde dep baǵalanyp otyr.
Rosbalttyń atap ótkenindeı, qyrkúıektiń basynan beri Qytaıda sý apatynyń nátıjesinde 101 adam qazaǵa ushyrady. Bul týraly Qytaıdyń sý tasqynymen jáne qurǵaqshylyqpen kúres jónindegi memlekettik shtabynan belgili boldy. Atalǵan memlekettik shtabtyń keńse bastyǵynyń orynbasary Shý Tsınpenniń aıtýynsha, jyl basynan beri Tszıalıntszıan jáne Hýanhe ózenderiniń alabynda kúshti nóser jańbyr tirkelgen. Olardan Sychýan, Shensı, Henan, Hýbeı, ıÝnnan, Shandýn, Gýıchjoý, Gansý provıntsııalarynyń jáne Chýntsınge baǵynatyn qalalardyń 6,18 mln turǵyny zardap shekken.
