Qytaıda qus tumaýynan jabaıy aqqýlar qyrylýda
BEIJІŃ. QazAqparat – Beıjińniń soltústik-batysynda ornalasqan Jazǵy ımperator saraıynda H5N8 vırýsynan bolatyn qus tumaýy órshidi. Bul týraly dúısenbi kúni QHR Aýyl sharýshalyǵy jáne aýyldyq ister jónindegi mınıstrlik málim etti, dep habarlaıdy «QazAqparat» HAA menshikti tilshisi.
Úsh jabaıy aqqý men ózge taǵy úsh qus vırýstan óldi. Beıjiń - sońǵy úsh aıda Qytaıda jabaıy aqqýlarda qus tumaýy tirkelgen úshinshi eldi meken. Buǵan deıin aýrýdyń órshýi Shansı jáne Shandýn provıntsııalarynda bolǵan.
Jergilikti BAQ-tyń habarlaýynsha, H5N8 qus tumaýynyń adamǵa berilýi múmkin ekendigi týraly ázirge esh dálel joq.
«Barlyq ólgen aqqý tıisti túrde jerlenip, irgeles aýmaqta dezınfektsııalyq jumystar júrgizildi», - delingen habarlamada.
