Qytaıda qus tumaýynan eki adam qaza tapty

Úsh jyl buryn bul elde osy aýrýdan ondaǵan adam kóz jumǵan edi. Qystyń basynan beri Anhoı shyǵys provıntsııasynda eki adam dúnıe saldy, dep habarlaıdy Reuters agenttigi jergilikti densaýlyq saqtaý organdaryna silteme jasap.

Aıta keteıik, Anhoıda barlyǵy 8 jeltoqsannan beri qus tumaýynan bes adam qaza tapty. Úsh adamnyń densaýlyq jaǵdaıy týraly aqparat ázirge belgisiz.

Reuters aqparatyna súıensek, Qytaıda jeltoqsan aıynda qus tumaýy dıagnozymen jeti adam tirkelgen. Alaıda, BAQ habarlamasyna sáıkes, aýrý juqtyrǵandar sany odan kóp.

Aıta keteıik, bir aı buryn Ýkraınada qus tumaýyn juqtyrǵan naýqas tirkelgen edi. Qazirgi tańda olardyń sany bes adamǵa jetti, dep habarlaıdy NEWSru.ua. Eýroodaq ýkraındyq qus pen qus ónimderin shyǵarýǵa tıym saldy. Sondaı-aq, Týnıste de qus tumaýy tirkelgen.