Qytaıda «qus tumaýynan» boıjetken kóz jumdy
BEIJІŃ. 14 aqpan. QazAqparat - Keshe Qytaıdyń ońtústik-batysynda ornalasqan Gýıchjoý provıntsııasynda 21 jastaǵy qyz «qus tumaýynan» kóz jumdy.
Bul aǵymdaǵy jyly QHR-da adam ólimine ákep soqqan birinshi jaǵdaı.
Gýıchjoý provıntsııasy densaýlyq saqtaý basqarmasynyń málimetterine qaraǵanda, boıjetken aqpan aıynyń basynda qalalyq aýrýhanalardyń birine jetkizildi. Boıjetkennen H5N1 vırýsyna alynǵan synamalar onyń naýqasqa shaldyqqanyn rastady. Dárigerlerdiń sózine qaraǵanda, ol aýyr halde bolǵan, kórsetilgen jedel kómekke qaramastan emdelýshi keshe tańerteń jantásilim etken.
QazAqparat buǵan deıin habarlanǵandaı, Gýıchjoý provıntsııasynda H5N1 tumaýyna shaldyǵýdyń taǵy bir oqıǵasy tirkeldi. Emdelýshiniń qazirgi jaǵdaıy aýyr.
«Eki oqıǵanyń arasynda epıdemıologııalyq baılanys joq», - dedi Qytaıdyń densaýlyq saqtaý mınıstri.
