Qytaıda qus tumaýy kúnnen-kúnge órship barady
ASTANA. 21 qańtar. QazAqparat - Sońǵy kúnderi Qytaıda taǵy 23 adam H7N9 qus tumaýymen aýyrǵan, dep habarlaıdy Segodnıa.rý.
Mamandar derttiń halyq arasyna keń taralýynyń negizgi sebebi qytaılyqtardyń Qytaı Jańa jyly merekesin atap ótýi kezinde el ishinde jıi qydyrystaýy deıdi. Vırýsty tasymaldaýshylar bul tumaý túri budan burynyraqta anyqtalmaǵan provıntsııalarǵa baryp, dertti taratýda. Al ótken apta ishinde Qytaıda asa qaýipti aýrýmen 24 adam syrqattanǵan bolatyn. Degenmen, Dúnıejúzilik densaýlyq saqtaý uıymynyń mamandarynyń aıtýynsha, atalmysh vırýs túriniń adamnan adamǵa berilý aýqymynyń da óz shegi bar.
2013 jyldan beri Qytaıda qus tumaýynan 52 adam qaıtys bolǵan, taǵy 199 adam osy aýrýdy juqtyrǵan.
