Qytaıda qupııa málimetti taratty degen aıyppen 70 jastaǵy jýrnalıst sotqa tartyldy
ASTANA. QazAqparat - Qytaıda belgili jýrnalıst jáne quqyq qorǵaýshy Gao ıÝıǵa qatysty sot protsesi bastaldy. Oǵan memlekettik qupııany jarııa etip, mańyzdy qupııa qujatty sheteldik BAQ-qa berdi, degen aıyp taǵylǵan. Bul týraly VVS agenttigi habarlady.
Daý Qytaı Kommýnıstik partııasynyń nasıhat bóliminiń ıdeologııalyq dırektıvalaryna qatysty bolyp otyr, onda partııa múshelerin Batystyń qundylyqtary men erkindigine elikteýden saqtandyrǵan. Gao ıÝıdyń qorǵaýshylary Batys BAQ-tarynda osyǵan qatysty málimetter jarııalanǵan mezgilde ondaı materıaldarǵa qol jetkizý erkin bolǵanyn alǵa tartty. Alaıda, Beıjińdegi VVS tilshisi habarlaǵandaı, mundaı jaǵdaıda aıyptalýshyny aqtap alatyn sheshim sırek shyǵarylady. Boljam boıynsha, Gao ıÝı ómir boıy bas bostandyǵynan aıyrylýy múmkin. Halyqaralyq quqyq qorǵaý uıymdary 70 jastaǵy jýrnalısti sottaý - sóz bostandyǵyn shekteý dep, ony bosatýdy talap etip otyr.
