Qytaıda kúnine 18 myń jańa kásiporyn ashylady

ASTANA. QazAqparat - Qytaıda 2018 jyldyń birinshi jartyjyldyǵynda jańa kásiporyndar sanynyń turaqty óskeni anyqtaldy, dep habarlaıdy QazAqparat Sınhýa agenttigine silteme jasap.

Memlekettik naryqty retteý basqarmasynyń deregi boıynsha, alty aıdyń ishinde 3,27 mln jańa kásiporyn ashylǵan. Bul kórsetkish ótken jylmen salystyrǵanda 12,5 protsentke artyq.

Osylaısha, Qytaıda birinshi jartyjyldyqta kún saıyn orta eseppen 18,1 myń jańa kásiporyn paıda bolǵan.

Bıznes ahýaldy jaqsartý jáne bıznesti júrgizý sharttaryn ońtaılandyrý aıasynda Qytaıdyń 22 óńirinde kásiporyndardy onlaın-tirkeý engizilgen. Sondaı-aq, ákimshilik protsedýralardy jeńildetý naryqtan 388 myń kásiporynnyń ketýine yqpal etken.