Qytaıda Kúndi baqylaıtyn álemdegi eń úlken radıoteleskop salyndy

ASTANA. QazAqparat – Qytaı Halyq Respýblıkasy Kúndi baqylaıtyn álemdegi eń úlken «DSRT» radıoteleskopynyń qurylysyn aıaqtady, dep habarlaıdy QazAqparat tilshisi «Space.com» portalyna silteme jasap.

Teleskop Qytaıdyń ońtústik-batysyndaǵy Sychýan provıntsııasyndaǵy ústirtte ornalasqan. Ol árqaısysynyń dıametri 6 metr bolatyn 313 antennadan turady. Qurylǵynyń alyp jatqan jalpy aýmaǵy – 1 shaqyrym. Radıoteleskoptyń basty kalıbrleý antennasy sheńberdiń ortasyndaǵy munaranyń eń joǵarǵy bóligine ornatylǵan. Aspan denelerin baqylaý 150-450 megagerts jıilikpen júrgiziledi.

Teleskop Kúnnen bólinetin shyǵaryndylar men onyń sáýlelerin baqylaýǵa arnalǵan. Bul óz kezeginde ǵaryshtaǵy aýa raıynyń ózgerýin anyqtap, jerge jaqyn radıýsta ushyp júrgen apparattardyń isten shyǵý yqtımaldyǵyn azaıtýǵa múmkindik bermek.

«DSRT» qurylysy 2021 jyly bastalǵan. Al onyń antennalaryn ornatý bıyl qarasha aıynyń ortasynda aıaqtaldy. Eń alyp teleskoppen ǵylymı zertteý júrgizý isi keler jyly jazda bastalmaq. Málim bolǵandaı, baqylaýlar nátıjesinde alynǵan aqparattar kópshilik úshin qoljetimdi bolady.