Qytaıda qumar oıyndardyń iri onlaın jelisi áshkerelendi
BEIJІŃ. QazAqparat - Gýandýn provıntsııasynyń quqyq qorǵaý organdary el tarıhyndaǵy qumar oıyndardyń iri onlaın jelisin uıymdastyrýshylardy ustady, dep habarlady «Sınhýa» agenttigi.
Júrgizilgen arnaıy shara nátıjesinde polıtsııa 1071 adamdy ustap, jalpy somasy 330 mln. ıýandy (52,8 mln. dollar) quraıtyn bank shottaryna tyıym saldy. Ustalǵandardyń 15-i - onlaın qumar oıyndarynyń baǵdarlamalaryn uıymdastyrǵandar. Bir myńnan astam tulǵa oıyndardy jalǵa alyp, ǵalamtorda óz oıyn alańyn qurǵandar. Qazirgi ýaqytta 570 adam qamaýda otyr. Uımdasqan qylmystyq top shamamen 200 qumar oıyndar saıtyn qurǵan. Kópshiligi Taıland serverlerinde ornalastyryldy. Ár saıt aı saıyn shamamen 70-100 myń ıýan tabys ákelgen. 2014 jyldyń jeltoqsan aıynda ǵana qumar oıyndardyń onlaın jelisine kirgender 9 mlrd. ıýanǵa jýyq aqshasynan utylǵan. Polıtseılerdiń aıtýynsha, atalǵan qarajattyń kóp bóligine toqtaý salynbady. Óıtkeni tranzaktsııa qolma-qol aqshamen jáne zańsyz jeke bankter arqyly júrgizilgen.
