Qytaıda qýatty jer silkinisinen soń jerasty dúmpýi 1,7 myń ret qaıtalanǵan
ASTANA. QazAqparat - Seısenbi kúngi jer silkinisinen keıin Qytaıdyń ońtústik batysyndaǵy Sychýan provıntsııasynda 1690 ret jerasty dúmpýi tirkeldi.
Eń kúshti dúmpý 4,8 magnıtýdany qurady. Bul jaıly eldiń seısmologııalyq qyzmetine silteme jasaǵan jergilikti BAQ habarlaıdy.
Seısenbi kúngi jer silkinisiniń magnıtýdasy - 7.
Zilzalanyń oshaǵy Sychýan provıntsııanyń Ngava-Tıbet-Tsıan avtonomdy okrýgindegi Tszıýchjaıgoý ýezinde shamamen 10 km tereńdikte ornalasqan.
Qazirgi ýaqytta 19 adamnyń tabıǵı apat qurbany bolǵandyǵy anyqtalyp otyr. 343 adam jaraqat alǵan. Mamandar qaza tapqandar men jaraqat alǵandardy izdestirýdi jalǵastyryp jatyr.
Aıta keteıik, tabıǵı apat saldarynan Sychýan aýdanynyń 60 myńnan astam turǵyny men týrısteri qaýipsiz aımaqtarǵa kóshirildi.
