Qytaıda QR-dyń ShYU-ǵa tóraǵalyǵyna tanymal «Veıbo» áleýmettik jelisi aqparattyq qoldaý kórsetedi
BEIJІŃ. QazAqparat - 2016 jyldyń 30 maýsymynda Shanhaı Yntymaqtastyq Uıymy Hatshylyǵynda ShYU men Qytaıdaǵy eń tanymal ınternet-resýrstardyń biri «Weibo.com-nyń» ıegeri «Veıbo» kompanııasynyń arasynda yntymaqtastyq týraly kelisimge qol qoıý rásimi ótti. Kelisim Qazaqstannyń 2016-2017 jyldary ShYU-ǵa tóraǵalyǵyn tanystyrýǵa arnalǵan dóńgelek ústel ústinde jasaldy.
Qujatqa Shanhaı Yntymaqtastyq Uıymy Hatshylyǵy tarapynan uıymnyń Bas hatshysy Rashıd Alımov, al «Veıbo» kompanııasy tarapynan bas dırektor Van Gaofeı qol qoıdy. Osy sát atalǵan áleýmettik jelide onlaın rejımde translıatsııalandy.
«Veıbo» kompanııasynyń bas dırektory Van Gaofeı atalǵan áleýmettik jelide ShYU resmı paraqshasynyń, sondaı-aq QHR-daǵy Qazaqstan men Reseıdiń dıplomatııalyq ókildiginiń tanymal ekendigin atap ótti.
Dóńgelek ústelge Qazaqstan men Qytaıdyń mınıstrlikteri men vedomstvolarynyń joǵarǵy ókilderi, Beıjińde akkredıttelgen ShYU-ǵa múshe elder elshiliginiń Elshileri men dıplomattary, QHR ǵylymı-zertteý ortalyqtarynyń basshylary jáne basqa da Qytaıdyń sarapshylyq qoǵamdastyǵynyń ókilderi qatysty.
Qazaqstan Respýblıkasy - Shanhaı Yntymaqtastyq Uıymynyń negizin qalaýshy memleket. Buǵan deıin bizdiń elimiz eki ret atalǵan uıymǵa tóraǵalyq etken (2005 jyly jáne 2011 jyly).
