Qytaıda kóshkinniń oryn alýyna qatysy bolýy múmkin degen 12 adam tutqyndaldy
ASTANA. QazAqparat - Shenchjen qalasynyń (Ońtústik Qytaı, Gýandýn provıntsııasy) polıtsııasy osy qaladaǵy kóshkinniń oryn alýyna qatysy bolýy múmkin degen 12 adamdy tutqyndady.
Bul týraly qalalyq polıtsııa basqarmasynyń Weibo (Twitter-ge uqsas) áleýmettik jelisindegi paraqshasynda dúısenbi kúni jarııa etilgen habarlamada jazyldy.
Ázirge tutqyndalǵandardyń jeke málimetteri taratylǵan joq. Quqyq qorǵaý organdarynyń habarlaýynsha, tutqyndalǵandardyń Shenzhen Yixianglong jáne basqa da kompanııalarǵa qatysy bar kórinedi. Bir nusqa boıynsha, atalǵan kompanııanyń zańsyz qoqys alańyna jınalǵan qaldyqtar qatty kóshkinniń oryn alýyna sebep bolǵan bolýy múmkin.
Budan buryn Shenzhen Yixianglong kompanııasy basshysynyń orynbasary ıÝı Shenlıdiń tutqyndalǵany týraly habarlanǵan edi. Topyraq kóshkini 20 jeltoqsanda Liuxi ónerkásip parkinde boldy. Shenchjen qalasynyń vıtse-meri Lıý Tsınshenniń aıtýynsha, kóshken topyraq 380 myń sharshy metr aýmaqty alǵan, laı batpaqtyń qalyńdyǵy keıbir jerlerde 10 metrge deıin jetipti. Kóshkinniń saldarynan 33 ǵımarat qıraǵan nemese zardap shekken. Búgingi kúni apat aımaǵynda iz-tússiz ketken 70 adamdy izdestirý jumystary jalǵasýda, dep habarlaıdy TASS agenttigi.
