Qytaıda kóshkin saldarynan 16 adam qaza tapty
ASTANA. QazAqparat - Qytaıda Lıshýı qalalyq okrýginde kóshkin júrdi. Balshyq pen tas aǵyny saldarynan 27 úı úıindi astynda qaldy. Bul týraly RIA «Novostı» habarlady.
Sońǵy derekter boıynsha Qytaıdyń shyǵysynda ornalasqan Chjetszıan provıntsııasyndaǵy aýylda keminde 16 adam qaza taýyp, 21 adam iz-túzsiz ketti, dep habarlady jergilikti bılikke silteme jasap Assoshıeıted press agenttigi.
Budan buryn 9 adamnyń qaza taýyp, 28 adamnyń habar-osharsyz ketkeni habarlanǵan.
Oqıǵa qalalyq Lıshýı okrýginde Lıdong aýylynda juma kúni keshke oryn aldy. Aǵyn aýyldy basyp, 27 úı balshyqqa kómilip qaldy. Qutqarýshylar ázirge aman qalǵan 1 adamdy ǵana tapty.
