Qytaıda kóshkin saldarynan 127 adam qaza tapty
BEIJІŃ. Tamyzdyń 9-y. QazAqparat /Rýslan Súleımenov/ - Gansý provıntsııasynyń Gannan-Tıbet avtonomııalyq okrýgindegi (Soltústik Batys Qytaı) Chjoýtsıýı ýezinde ótken senbi kúni keshke kóshkin júrip, apat saldarynan 127 adam qaza tapty.
Jeksenbi, tamyzdyń 8-i kúni júrgizilgen izdeý-qutqarý jumystary barysynda zardap shekken 1242 adam qutqaryldy, alaıda 1294 adam iz-túzsiz joǵalǵandar qatarynda. Qazirgi tańda tabıǵat apaty saldarynyń aýmaǵynan 30 myń adam qaýipsiz jerlerge kóshirildi.
Gansý provıntsııasynyń basshylyǵy apat aýmaǵyna qosymsha shatyrlar, kıim, tósek oryndar men uıyqtaýǵa arnalǵan qap jiberilýi úshin Qytaı Halyq Respýblıkasynyń Azamattyq ákimshilik mınıstrliginen kómek surady.
Qazir apat ornynda izdeý-qutqarý sharalary júrip jatyr.
