Qytaıda qorymdardyń birinen kóne hrıstıandardyń súıekteri tabyldy
ASTANA. 23 qańtar. QazAqparat - Qytaıdyń Lýnmen býddıstik ǵıbadathanalar kesheninde VII-VIII ǵasyrlarda jerlengen baǵzy zaman hrıstıandarynyń qabirleri tabyldy. Keıin anyqtalǵandaı, olar Vızantııa týmalary bolyp shyqty. Ǵalymdar vızantııalyq hrıstıandar qýǵyn-súrginnen qashyp kelýi yqtımal dep otyr.
Lýnmen kesheni taý úńgirleriniń ishinde 493 jyly salyna bastaǵan. Onda 43 býddıstik ǵıbadathana bar. Hramdardyń ishinde sol kezderi keskindelgen 17 metrlik músinder búgingi kúnge deıin saqtalǵan. Tan dınastııasy dáýirinde (618-907) bul jerdi býddıstermen qatar nestorııandyq hrıstıandar da qoldanǵan. Keıin konstantınopoldik patrıarh Nestorııanyń taratyp júrgen ilimi qýdalaýǵa ushyrap, olardyń jaqtaýshylaryna Vızantııadan qashýǵa týra keldi. Olardyń súıekteri tek Qytaıda ǵana emes, sonymen birge Arab halıfatynda, túrkilerdiń jerinde tabylyp jatady.
