Qytaıda koronavırýstyń órshýine baılanysty týrıster sany azaıdy

BEIJІŃ. QazAqparat – Koronovırýstyń órshýine jáne oǵan qatysty shekteýlerge baılanysty birinshi mamyr merekesine oraı ishki týrıster aǵyny 2021 jyldyń nátıjelerimen salystyrǵanda 30%-ǵa qysqardy. Bul týraly QHR Mádenıet jáne týrızm mınıstrligi málim etti, dep habarlaıdy QazAqparattyń menshikti tilshisi.

Mamyrdyń bes kúndik demalys kúnderi (30 sáýirden 4 mamyrǵa deıin) Qytaıǵa 160 mıllıon ishki týrıstik saparlar jasalǵan Bul 2021 jyldyń sáıkes kezeńimen salystyrǵanda 30,2% -ǵa tómen. Mamyr merekesi kezinde ishki týrızmnen túsken tabys 43% -ǵa túsip, 64,68 mlrd ıýan (shamamen $9,8 mlrd) qurady.

Qytaıda koronavırýstyń órshýi týrıstik oryndardyń qol jetimdiligi men kelýshilerge áser etti. Birinshi mamyr merekelerinde elde «A» sanatyndaǵy týrıstik nysandardyń 61%-y ashyldy. Sychýan jáne Chjetszıan provıntsııalarynyń birqatar kórkem jerlerinde týrıstik aǵyn aıtarlyqtaı tómendedi. Haınan aralyndaǵy Sanıa qalasyndaǵy qonaq úılerdiń ortasha tolymdylyǵy 60%-ǵa tómendedi.
Vedomstvonyń habarlaýynsha, koronavırýs pandemııasy aýyl týrızmin kóbirek tańdaıtyn qytaılyq týrısterdiń qalaýyn ózgertti. Sońǵy ýaqyttaa qala mańyndaǵy qonaq úılerde turý baǵasynyń ósýi baıqalǵan.
«Bultty týrızm», «bultty kórme» jáne «bultty shoý» sııaqty tanymal týrıstik ınnovatsııalyq ónimder qoldanylady. Osy maqsatta birqatar Qytaı provıntsııasynyń bıligi tanymal týrıstik oryndardan onlaın-translıatsııalar uıymdastyrý úshin blogerlerdi, gıdterdi, fotojýrnalısterdi tartady.