Qytaıda koronavırýstyń órshýine baılanysty karantın talaptary kúsheıdi

NUR-SULTAN. QazAqparat - Qytaıda kovıdtiń órshýine baılanysty Ýhan bıligi qoǵamdyq kólikte júrýdiń jańa tájirıbesin engizdi.

Bul týraly QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.

Ondaǵy málimetterge qaraǵanda, endi qoǵamdyq kólikke miný úshin jolaýshylar PTR test nátıjesin usynýy kerek. PTR test tek eki kúnge jaramdy. Qala turǵyndary bul sharany qoldap otyr.

«Ýhan 2020 jyldan keıin koronavırýspen kúreste kóp tájirıbe jınady. Biz engizgen sharalar tıimdi jáne sátti. Bıliktiń jańa saıasaty bizge ózimizdi qaýipsiz sezinýge múmkindik beredi»,- deıdi jergilikti turǵyndar.

Federaldy bıomedıtsınalyq agenttikte COVID-19 indetine qarsy «konvasel» vaktsınasyn klınıkalyq zertteýdiń úshinshi kezeńiniń jospary ázirlenip jatyr. Tirkeýden keıingi synaqtar jazdyń sońynda bastalady dep kútilýde.

Zertteý barysynda preparattyń qaýipsizdigi, ımmýnogendiligi jáne profılaktıkalyq tıimdiligi baǵalanady. Baqylaý kem degende alty aıǵa sozylady.

Qazaqstanda ótken táýlikte 12 naýqas tirkelgenin habarlaǵan edik.