Qytaıda koronavırýstan emdelip shyqqandardyń sany 47 260 adamǵa jetti
NUR-SULTAN. QazAqparat - Densaýlyq saqtaý mınıstrliginiń resmı ókili Dıas Ahmetshárip koronavırýs ınfektsııasy boıynsha jalpy álemdegi ahýal týraly baıan etti, dep habarlaıdy QazAqparat tilshisi.
«Qytaıda 80302 naýqas tirkelgen. Bir táýlikte 128 adamǵa ósti. Ol degenimiz – 0,16 paıyzdy quraıdy. Onyń 2946-y qaıtys boldy. Emdelip shyqqandardyń sany – 47260 adam. Bul kórsetkish – 58,8 paıyzdy quraıdy. Statsıonarda qazir 3096 naýqas emdelýde. Qaıtys bolǵandardyń orta jasy – 75 jasta», - dedi ol Qazmedıada ótken baspasóz máslıhatynda.
Onyń aıtýynsha álem boıynsha 76 elde 12575 naýqas tirkelip, onyń 221-i qaıtys bolǵan. Atap aıtqanda Iranda 77 adam, Italııada 79 adam, Koreıada 34 adam, krýızdik laınerde bolǵan 7 adam, Japonııada 6, AQSh-ta 9, Frantsııada 4, Fılıppın araldarynda 1, Taılandta 1, Avstralııada 1, San-Marınoda bir adam kóz jumǵan. Táýliktik ósim 24,1 paıyzdy qurap otyr.
