Qytaıda koronavırýsqa qarsy vaktsınanyń 400 mıllıonnan astam dozasy engizildi

BEIJІŃ.QazAqparat – Qytaıda jańa koronavırýs ınfektsııasyna qarsy vaktsınalardyń 400 mln-nan astam dozasy engizildi, dep jazady QazAqparat QHR Densaýlyq saqtaý isteri jónindegi memlekettik komıtetine silteme jasap.

Quzyrly vedomstvonyń málimetinshe, 2021 jylǵy 17 mamyrdaǵy jaǵdaı boıynsha 31 provıntsııa (avtonomdy aýdandar, ortalyq baǵynystaǵy qalalar) jáne Shyńjań óndiristik-qurylys korpýsynda koronavırýsqa qarsy vaktsınalardyń 406 938 000 dozasy engizilgen.

Ótken táýlikte Qytaıda Covid-19 juqtyrýdyń 22 jańa rastalǵan jaǵdaıy tirkeldi (onyń ishinde 4 jaǵdaı – jergilikti), ólim-jitim joq.

Qytaıdyń soltústik-shyǵysyndaǵy Lıaonın provıntsııasynda jergilikti koronavırýs ınfektsııasynyń tórt jaǵdaıy anyqtaldy. Osyǵan baılanysty Lıaonın provıntsııasynyń Inkoý qalalyq okrýginde jergilikti halyqty jappaı testileý naýqany bastaldy.

Sońǵy resmı málimetterge sáıkes, Qytaıda vırýstan patsıentterdiń 94,57%-y emdelip shyqty. 2019 jyldyń jeltoqsan aıynan bastap koronavırýs juqtyrǵandar sany 90 myńnan asty. Ólim deńgeıi 5,1%-dy quraıdy (4636 adam koronavırýstan qaıtys boldy).

Rýslan Súleımenov