Qytaıda koronavırýs juqtyrý qaıta órshidi

BEIJІŃ. QazAqparat – Ótken sársenbide qurlyqtyq Qytaıda koronavırýs juqtyrýdyń jergilikti 87 jańa oqıǵasy tirkeldi. Bul týraly QHR Densaýlyq saqtaý isteri jónindegi Memlekettik komıtetinen málimdedi, dep habarlaıdy QazAqparat menshikti tilshisi.

Sonyń ishinde 44 oqıǵa Qytaıdyń soltústigindegi Heılýntszıan provıntsııasynyń Heıhe qalasynda jáne 20-sy Beıjińge jaqyn ornalasqan Shıtszıachjýan qalasynda tirkeldi.

Osy aptada 10 mıllıonnan astam halqy bar Shıtszıachjýan qalasynda (Hebeı provıntsııasy, Soltústik Qytaı) lokdaýn jarııalandy. Qala kimshiligi jergilikti turǵyndardy ózderin oqshaýlap, koronavırýsqa test tapsyrýyn surady.

Qytaıda koronavırýs juqtyrýdyń jańa tolqyny qazan aıynyń ortasynda bastalyp, osy ýaqytqa deıin el provıntsııalary men aýdandarynyń jartysynan kóbine tarap úlgerdi.

Koronavırýstyń taralý qaýpine baılanysty qarasha aıynda Beıjińde ótýi tıis bolǵan birqatar halyqaralyq forým keıinge qaldyryldy.

QHR Densaýlyq saqtaý isteri jónindegi Memlekettik komıssııasynyń málimetinshe, 3 qarashadaǵy jaǵdaı boıynsha, 2020 jyldyń jeltoqsanynda bastalǵan jalpy vaktsınalaý naýqanynyń barysynda Qytaı dárigerleri koronavırýsqa qarsy 2,28 mlrd astam ekpe salǵan.