Qytaıda koronavırýs juqtyrý qarqyny tómendep keledi

BEIJІŃ. QazAqparat – Qytaıda ulttyq deńgeıge shyqqan koronavırýs epıdemııasynyń qazirgi tolqyny aıaqtalýǵa jaqyn. Bul týraly demalys kúnderi brıfıng kezinde QHR Densaýlyq saqtaý jónindegi memlekettik komıtettiń resmı ókili Mı Fen málim etti, dep habarlaıdy QazAqparattyń menshikti tilshisi.

«14 kúnnen asa koronavırýstyń qazirgi tolqyny órshigen 8 provıntsııada jańa jergilikti juqtyrý jaǵdaılary tirkelgen joq. Heıhe jáne Dalıan qalalaryndaǵy vırýstyń órshýi toqtady. Ulttyq deńgeıge shyqqan qazirgi tolqyn aıaqtalýǵa jaqyn», - dep málimdedi Mı Fen. Onyń aıtýynsha, Qytaı COVID-19-dyń aldyn alý jáne baqylaý saıasatyn júrgizýdi jalǵastyrady, sonymen qatar eldiń porttarynda aldyn alý sharalary kúsheıedi.

19 qarashadaǵy jaǵdaı boıynsha 2020 jyldyń jeltoqsanynan bastap Qytaı dárigerleri 2,42 mıllıard ekpe salǵan. Vaktsınalaýdyń tolyq kýrsyn alǵan adamdar sany – 1 mıllıard 76 mıllıon.

Eske sala keteıik, Qytaıdaǵy koronavırýstyń qyzirgi «jergilikti» tolqyny 17 qazan kúni bastaldy, osy ýaqytqa deıin provıntsııa men aýdandardarda 1,6 myńnan astam adam vırýs juqtyrǵan.

Sońǵy kúnlderi Qytaıdyń qurlyqtaǵy bóliginde 17 jańa juqtyrý jaǵdaıy (olardyń tórteýi – jergilikti) tirkeldi. Tórt jergilikti jaǵdaı Lıaonın (Dalıan qalasy) jáne ıÝnnan provıntsııalarynda anyqtaldy. Sońǵy derekterge sáıkes, Qytaıdyń qurlyqtaǵy bóliginde vırýs juqtyrǵandardyń 94,17%-y jazylyp shyqqan.

2019 jyldyń jeltoqsanynan bastap COVID-19 juqtyrǵandar sany 98,4 myń adamǵa jetti. Munda koronavırýstan 4 636 adam qaıtys boldy.

Avtory Rýslan Súleımenov