Qytaıda koronavırýs juqtyrǵandar sany kúrt ósti

BEIJІŃ. QazAqparat – Іndettiń oshaǵy sanalatyn Hýbeı provıntsııasynda (Ortalyq Qytaı) ótken táýlikte koronavırýs juqtyrǵan 14 840 adam tirkelgen, dep habarlaıdy QazAqparat tilshisi.

Hýbeıdiń gıgıena jáne densaýlyq saqtaý máseleleri jónindegi komıtiniń habarlaýynsha, 12 aqpan saǵat 24:00-degi jaǵdaı boıynsha, Hýbeı provıntsııasynda koronavırýs juqtyrǵan 14 840 adam tirkeldi, 242 adam qaza tapty. Aýrýhanada 33 693 adam jatyr, sonyń ishinde 5 647 naýqas aýyr halde.

Hýbeı provıntsııasynyń bıligi jańa koronavırýs juqtyrǵandar sanynyń birden ósýin olardyń qataryna jańa ádispen dıagnostıka jasalǵan naýqastar kirgenimen túsindirdi.

Bul sharalar koronavırýs juqtyrǵandardy erterek anyqtap, olardy tezirek emdeýge baǵyttalǵan.

Sońǵy derekter boıynsha, Hýbeı provıntsııasynda jańa koronavırýs juqtyrǵandar sany 48 myń adam, sonyń ishinde 1 310 adam kóz jumsa, 3441 adam emdelip shyqty.