Qytaıda koronavırýs juqtyrǵandar sany 66,4 myńdy qurady

BEIJІŃ. QazAqparat – Sınhýa – QHR Densaýlyq saqtaý isteri boıynsha komıteti senbi kúni eldiń 31 ákimshilik provıntsııalyq aımaǵynan jáne Shyńjań óndiristik-qurylys korpýsynan koronavırýs juqtyrýdyń jańadan 2641 jaǵdaıy tirkelgeni jáne taǵy 143 adamnyń kóz jumǵany týraly málimet alǵan, dep habarlaıdy QazAqparat Sınhýa agenttigine silteme jasap.

14 aqpan kúniniń sońyndaǵy málimetter boıynsha, 31 ákimshilik provıntsııalyq aımaq pen Shyńjań óndiristik-qurylys korpýsynda koronavırýstyń jańa túrine shaldyǵýdyń rastalǵan jaǵdaılary barlyǵy 66 492 adamdy qurady. Іndetten osy kúnge deıin 1523 adam qaza tapty.

«11 053 naýqastyń jaǵdaıy aýyr, vırýsty juqtyrdy degen kúdikpen 8969 adam tekserilip jatyr. Jumanyń sońyndaǵy málimet boıynsha, 8096 adam aýrýynan aıyǵyp, aýrýhanadan shyǵaryldy. Naýqastarmen baılanysta bolǵan 513 183 adam dárigerlerdiń qatań baqylaýynda bolyp, 30 081-inen medıtsınalyq baqylaý alyndy», - delingen málimette.

Foto: EPA-EFE/YUAN ZHENG