Qytaıda koronavırýs juqtyrǵan adamdardyń 65 paıyzy emdelip shyqty
«Koronavırýsqa qatysty kúndelikti aqparattardy ýaqtyly berip jatyrmyz. Ókinishke qaraı, soǵan qaramastan halyq arasynda, áleýmettik jelilerden ártúrli málimetter kelýde. Mysaly búgin ýatsapta «Nur-Sultanda eki Qytaı azamaty qaıtys boldy» degen, keshe «Almatyda aýrý Qytaı azamattary emdelip jatyr» degen de jalǵan aqparat tarady. Óńirlerden de osyndaı aqparat kelip jatyr. Bizdiń negizgi mindetimiz – elimizdegi túrli aýrýdan, ınfektsııadan qorǵaý, ashyq ári tolyq aqparat berý», - dedi mınıstr OKQ-da ótken baspasóz máslıhatynda.
Eljan Birtanov koronavırýs boıynsha qazirgi álemdegi ahýal týraly da málimettermen bólisti.
«Qytaıda 80 myńnan astam naýqas tirkeldi. Sońǵy kúnde 0,18 paıyz qosymsha ósimmen naýqastardyń tirkelgeni belgili bolyp otyr. Biraq aýrýhanalardan shyqqan azamattardyń sany 52 myńnan asty. ıAǵnı búkil naýqastyń 65 paıyzy emdelip shyqty. Ókinishke qaraı dúnıe júzindegi 79 memlekette 14 myńnan astam naýqas tirkeldi. Qazirgi tańda Qazaqstanda koronavırýs ınfektsııasymen naýqastanǵan adamdar tirkelmedi. Mundaı dıagnoz áli eshkimge qoıylǵan joq», - dedi ol.
Mınıstr óz sózinde 20 aqpannan bastap koronavırýs ınfektsııasy boıynsha qaýipti memleketter úsh sanatqa bólingenin eske saldy.
«Osy sanattar boıynsha baqylaý jumystary júrgizilýde. A jáne B sanattary boıynsha 900-den astam azamat karantınge jatqyzyldy. Úshinshi sanattaǵy 7515 azamat baqylaýda. Jalpy túrli memleketten kelgen 8 myńǵa tarta azamat qazir bizdiń densaýlyq saqtaý mınıstrliginiń baqylaýynda. Aýrý bastalǵaly beri bizdiń arnaıy Ulttyq sarapshylyq laborotorııa úsh memleketten qajetti laborotorlyq testti aldy. Qazirgi kúni 11 myń adam tekseris testinen ótti. Barlyq test nátıjesi jaqsy. Koronavırýs tabylmady», - dedi ol.