Qytaıda koronavırýs indetiniń aıaqtalý merzimin atady

BEIJІŃ. QazAqparat – Qytaıda koronavırýs indetine baılanysty jaǵdaı bıylǵy jyldyń sáýir aıynyń sońyna qaraı baqylaýǵa alynady. Beısenbi kúni ótken brınfıngte QHR Densaýlyq saqtaý isteri jónindegi memlekettik komıtetiniń sarapshylar tobynyń jetekshisi Chjýn Nanshan osyndaı málimdeme jasady, dep habarlaıdy QazAqparat jergilikti BAQ-qa silteme jasap.

«Biz buryn epıdemııanyń sharyqtaý shegi aqpannyń ortasynda nemese sońynda bolady dep boljaǵan edik. 15 aqpannan keıin koronavırýs anyqtalǵan jańa jaǵdaılardyń sany azaıa bastady. Іndettiń sáýir aıynyń sońyna deıin baqylaýǵa alynatynyna senimdimiz», - dedi Chjýn Nanshan.

Ol «epıdemııaǵa qatysty boljamdar jasaǵanda, biz eń aldymen Qytaıdy nazarǵa alyp, basqa elderdi qarastyrmaıtynymyzdy» málim etti.

«Іndet alǵash ret QHR-da týyndady, biraq Qytaıda bastaldy deý mindetti emes», - dep atap ótti qytaı akademıgi.

Chong Nanshan: «koronavırýstyń shyǵý kózi áli de túsiniksiz»,- dep málimdedi.

Jalpy alǵanda, ótken táýlik ishinde (26 aqpanda saǵat 24: 00-ge deıingi jaǵdaı boıynsha) Qytaıda koronavırýs juqtyrýdyń 433 jańa jaǵdaıy anyqtaldy, 29-y kóz jumdy, 2750 adam emdelip, aýrýhanalardan shyǵaryldy.