Qytaıda qonaqúıdiń bir bóligi opyrylyp qulady, zardap shekkender bar

BEIJІŃ. QazAqparat – Qytaıda qonaqúıdiń bir bóligi opyrylyp tústi. Qonaqúı eldiń shyǵysyndaǵy Tszıansý provıntsııasynyń Sýchjoý qalasynda ornalasqan. Bul týraly QazAqparat tilshisi habarlaıdy.

Qytaı Halyq Respýblıkasynyń Tótenshe jaǵdaılar mınıstrliginiń málimetterine sáıkes, jergilikti ýaqyt boıynsha saǵat 18:40-ta qulaǵan qonaqúıdiń astynan segiz adam shyǵaryldy. Olardyń bireýi alǵan jaraqattarynan qaıtys boldy, tórt adamnyń jaǵdaıy turaqty, úsheýine medıtsınalyq kómek kórsetildi. Taǵy 10-ǵa jýyq adam habar-osharsyz ketken.

Sýchjoý qalasyndaǵy «Sytszı Kaııýan» qonaq úıi ǵımaratynyń bir bóligi dúısenbi kúni tústen keıin opyrylyp túsken.

Tótenshe jaǵdaıdyń sebepteri áli aıtylmady. Oqıǵa ornynda izdestirý-qutqarý operatsııasy jalǵasýda.