Qytaıda qonaqúı opyrylyp, 29 adam kóz jumdy
FÝChJOÝ. QazAqparat – Qytaı shyǵysyndaǵy Fýtszıan provıntsııasynda qonaqúıdiń opyrylyp qulaýy saldarynan qaza bolǵan adamdardyń sany 29-ǵa jetti.
Beısenbi kúni qutqarýshylar úıindiler astynan taǵy bir adamnyń denesin shyǵardy. Bul týraly Sınhýa agenttigine silteme jasap, QazAqparat habarlaıdy.
Qutqarý qyzmetiniń jergilikti shtaby bergen málimetke sáıkes, qaza bolǵan adamnyń denesi tańerteń saǵat 11:04-te Tsıýanchjoý qalasynda anyqtalǵan.
Lısen aýdanynda ornalasqan «Sıntszıa» qonaqúıi senbi kúni keshke opyrylyp qulady. Úıindiler astynda 71 adam qaldy. Sonyń 27-si kóz jumdy. Taǵy ekeýi tiri tabyldy, alaıda olardy qutqarý múmkin bolmady.
Aldyn ala tergeý qonaqúı ǵımaratynyń qurylysy, jóndeý jumystary jáne tapsyrylǵan kezde kúrdeli kemshilikterge jol berilgeni anyqtalǵan.
Oqıǵaǵa jaýapty adamdar qamaýǵa alyndy, dep habarlady Tsıýanchjoý qalasy ákiminiń orynbasary Hong Tszıtsıan (Hong Ziqiang).
Ǵımarat 2013 jyly salynǵan. 2018 jyldan beri qonaqúı retinde paıdalanyla bastady.
