Qytaıda kólik júrisine shekteý qoıylmaq
ASTANA. QazAqparat - Beıjiń bıligi shahardy tumshalap turǵan qoıý tútinge baılanysty taǵy da qaýiptiliktiń eń joǵarǵy deńgeıin jarııa etti. Osyǵan baılanysty kólik júrisine shekteý qoıylmaq. Qurylys jumystary men fabrıkalardyń da jumysy toqtatylatyn túri bar.
Qazirgi ýaqytta aýadaǵy zııandy zattardyń mólsheri qalypty kórsetkishten 20 esege deıin asyp ketýi múmkin degen qaýip bar. Esterińizde bolsa, qaýiptiliktiń qyzyl deńgeıi buǵan deıin Beıjińde jeltoqsannyń basynda jarııalanǵan edi. Shahardaǵy ekologııalyq jaǵdaıdyń nasharlaýyna kómir jaǵatyn kásiporyndar men qurylys jumystary kezinde bólinetin shań-tozań sebep bolǵan, dep jazady khabar.kz. foto: theguardian.com
