Qytaıda qol dobynan áıelder arasynda Olımpıada oıyndarynyń irikteý týrnırinde qazaqstandyqtar soltústikkoreıalyqtarmen teń tústi
ALMATY. 17 qazan. QazAqparat /Erlik Erjanuly/ - Qol dobynan áıelder arasynda Qytaıda ótip jatqan 2012 jylǵy London olımpıadasynyń Azııa aımaǵy boıynsha irikteý týrnırinde búgin qazaqstandyqtar túrikmenstandyq qurdastarymen kúsh synasýda.
Al japondyqtar soltústikkoreıalyq, ońtústikkoreıalyqtar qytaılyq kórshilerimen jup quraýda.
Ótken senbi kúni qazaqstandyqtar Soltústik Koreıa quramasymen 22:22 esebimen teń tústi. Buǵan deıin olar 12-qazanda Japonııa sportshylaryna ese jibergen edi. 6 eldiń ulttyq quramalary arasynda aınalym júıesi boıynsha ótip jatqan bul dodada Japonııa men Ońtústik Koreıa sportshylary jeńilissiz kele jatyr. Japondyqtar qazaqstandyq (38:26) jáne qytaılyq (26:21) qurbylaryn, al ońtústikkoreıalyqtar soltústikkoreıalyq qandastary (44:29) men túrikmenderdi (45:11) jeńdi. Endi erteń barlyq komandalar bir kún tynyǵyp, aqyrǵy kezdesýlerin 19-21 qazan kúnderi ótkizedi. Onda qazaqstandyqtar sársendi kúni Ońtústik Koreıa, al beısenbide Qytaı sportshylarymen kezdesedi.
