Qytaıda qol dobynan áıelder arasynda Olımpıada oıyndarynyń irikteý týrnıri ótip jatyr
ALMATY. 14 qazan. QazAqparat /Erlik Erjanuly/ - Qol dobynan Qytaıda ótip jatqan áıelder arasynda 2012 jylǵy London olımpıadasynyń Azııa aımaǵy boıynsha irikteý týrnırine 6 qurama qatysýda. Aınalym júıesi boıynsha ótken bul básekede eń alǵashqy oıyn 12 qazanda Qytaı men Túrikmenstan sportshylary arasynda ótken bolatyn.
Onda jarys qojaıyndary qarsylastaryn 41:4 esebimen oısyrata utty. Al keshe qazaqstandyqtar japondyqtarǵa 26:38 esebimen ese jiberse, ońtústik koreıalyqtar soltústiktegi qandastaryn 44:29 esebimen jeńdi. Qazaqstannyń qol doby sheberleri kelesi oıynyn endi erteń Soltústik Koreıa quramasymen ótkizedi. Jalpy bul dúbirli dodaǵa bergen ótinishterin jarys bastalar aldynda Ózbekstan, Katar jáne Irak quramalary keri qaıtaryp alǵan bolatyn.
