Qytaıda qıssa-dastandar teatrlandyrylmaqshy
ASTANA. 22 qyrkúıek. QazAqparat - Qytaıdaǵy qandastarymyz qıssa-dastandardy teatrlandyrý jumysyn qolǵa ala bastady. Bul týraly Altaı aqparat toraby habarlaıdy.
Bul týraly BAQ.KZ habarlaıdy.
Qytaıdaǵy qazaqtardyń respýblıkalyq deńgeıde qorǵalatyn 32 mádenı murasynyń ishinde qazaq qıssa-dastandary bar. Búgingi kúnde Shyńjańdaǵy qazaq balalary birtindep ashylyp jatqan qıssa synyptarynan tálim alyp, myńdaǵan shýmaq qıssalardy jańylmaı jattap júr. Ultymyzdyń uly murasyn urpaqqa amanat etýge aıanbaı úles qosyp jatqan qandastarymyz endi qıssa-dastandardy sahnaǵa shyǵarý jumystaryn bastap ketti.
Aqparat kóziniń habarlaýynsha, Altaı aımaǵy Býryltoǵaı aýdanynyń ákimshiligi qyrýar qarjyny osy qıssa-dastandardy teatrlandyrý jumysyna bólip otyr eken. Basshylar tarapynan qoldaý taýyp, qolǵa alyna bastaǵan mádenı jumys tez sheshimin taba bastapty. Qazirgi kezde teatrlanatyn barlyq qıssa-dastandardyń stsenarıi jazylyp bolǵan. Qytaıdaǵy qandastar bul ıgilikti is mádenıettiń damýyna úles qosyp qana qoımaı, ulttyq rýhty kóterýge erekshe áser etedi dep sanaıdy.
