Qytaıda qıraǵan qonaq úı astynan bes adam qutqaryldy
ASTANA. QazAqparat - Qytaıdyń Hýbeı provıntsııasynda taý jynystary kóshkininen qıraǵan qonaq úı úıindileri arasynan bes adam qutqaryldy, taǵy toǵyz adam úıindi arasynda jatyr, dep habarlaıdy RIA Novostı jergilikti BAQ-qa silteme jasap.
Buǵan deıin atalǵan oqıǵadan jalpy sany 14 adamnyń qırandy astynda qalǵany habarlanǵan edi. Olardyń ekeýi ǵana qutqaryldy. Osylaısha, qutqarýshylar taǵy úsh adamdy qutqardy.
Oqıǵa ornynda 130 adam, 19 mashına jáne bes izdeýshi ıt jumys isteýde. Qulaǵan taý jynystarynyń kólemi 3 myń tekshe metrdi quraǵan. Al qonaq úı aýdany 1,3 myń sharshy metrdi alyp jatyr, onyń 1 myń sharshy metri qırap qaldy.
Oqıǵa juma kúni jergilikti ýaqytpen 19.30-da Sıanfan okrýgynyń Nanchjan ýezinde bolǵan. Kóshkin ǵımarattyń artqy bóligine zaqym keltirgen.
