Qytaıda kıik múıizderiniń kontrabandasy úshin qazaqstandyq úsh azamat ustaldy
BEIJІŃ. 22 maýsym. QazAqparat - Kıik múıizderin Qazaqstannan Qytaıǵa zańsyz jetkizý arnalary burynǵysha toqtaýsyz jumys isteýde.
Qytaı kedenshileri 12 mamyr kúni Alashańqaı baqylaý-ótkizý beketinde Almaty-Úrimshi halyqaralyq poıyzynyń júk bólimderin tekserý kezinde QHR aýmaǵyna kirgizýge tyıym salynǵan kıiktiń 719 múıizin tapty, dep habarlaıdy jergilikti BAQ.
Operatsııa barysynda QHR quqyq qorǵaý organdary Qazaqstannyń - 3, Qytaıdyń bir azamatyn ustady. Jýyrda qazaqstandyqtardyń qatysýymen kontrabanda týraly qylmystiq is Shyńjań-Uıǵyr avtonomdy ólkesiniń prokýratýrasy organdaryna jóneltildi.
Ońaı oljany ańsaǵan Qazaqstan men Qytaıdyń brakonerleri men kontrabandashylaryna tosqaýyl bolmaı tur, sebebi Qytaıda kıiktiń múıizi dástúrli medıtsına úshin qundy shıkizat bolyp tabylady.
