Qytaıda ken ornyndaǵy apattan keıin basshysy ózine qol jumsady
ASTANA. QazAqparat - Qytaı Halyq Respýblıkasynda apat oryn alǵan gıps shahtasynyń ıesi ózine qol jumsaǵan. Apat saldarynan bir adam qaza taýyp, 17 adam úıindi astynda qalǵan, dep habarlady Assoshıeıted Press agenttigi.
Shahta ıesi, kompanııa prezıdenti senbi kúni tańerteń shahta aýmaǵyndaǵy qudyqqa batyp ólgen. Budan buryn ol oqıǵa ornyna kelip, izdestirý jumystaryna qatysqan, dep málimdedi qutqarý jumystaryn júrgizetin komandalyq ortalyq ókili. Qyzmet 11 adamdy qutqaryp úlgerdi. Apat juma kúni Pını ýezinde gıps shahtasynda jumys ýaqytynda oryn alǵan. Jer astynda kem degende 29 adam qalǵany týraly buǵan deıin habarlaǵan bolatynbyz. Jergilikti bılik apat sebepterin anyqtaýda.
