Qytaıda qazaqtyń materıaldyq emes murasynyń murageri anyqtaldy
ASTANA. QazAqparat - Qytaıdyń Mádenıet mınıstrligi memlekettik dárejedegi materıaldyq emes muralardy jalǵastyrýshy muragerlerdiń tizimin jarııalady, dep habarlaıdy People Daily jańalyqtar saıty.
Kóne mádenıetti jalǵastyrýshy jáne sol dástúrdi damytýshy, jańǵyrtyp, baıytýshy muragerler tizimine Qytaıdyń Shyńjań ólkesinen 51 adam tańdalǵan. Olar Shyńjańda turatyn túrli ulttardyń memlekettik dárejede moıyndalǵan materıaldyq emes muralaryn dáriptep, jalǵastyrýshy ókilderi ataldy. Osy tizimde qazaqtyń ulttyq kıimin nasıhattaýshy murager Jeńisgúl Nurdanaqynqyzynyń da aty atalǵan. Ol Shyńjań qazaqtarynyń arasynan shyqqan belgili tiginshi, dızaıner, qazaqtyń ulttyq kıimderin tigýge úıretetin óner mektebiniń dırektory, «Tasbulaq» sheberhanasynyń jetekshisi. Sondaı-aq bulardyń arasynda uıǵyr ultynyń materıaldyq emes murasyn jalǵastyrýshy Ahmetjan Úısip (ázil-syqaq), Ábdýálı Dáýit te (uıǵyr ultynyń halyq ánin jalǵastyrýshy) bar.
