Qytaıda Qazaqstannyń aýyl sharýashylyǵy ónimderine suranys zor
ASTANA. QazAqparat - Qytaıda Qazaqstannyń aýyl sharýashylyǵy ónimderine suranys zor. Bul týraly búgin «Uly Jibek jolynda birge» baıqaýynyń jeńimpazdaryn marapattaý aıasynda BAQ ókilderine suhbat bergen Qytaıdyń Qazaqstandaǵy Tótenshe jáne ókiletti elshisi Chjan Hanhýeı málim etti, dep habarlaıdy QazAqparat.
«Qytaı Qazaqstannyń organıkalyq aýyl sharýashylyǵy ónimderin ımporttaýǵa múddelik tanytady. Qyzyǵýshylyq óte zor. Qazaqstannyń azyq-túlik ónimderi astyq, un, bal, ósimdik maıy, ásirese et Qytaıda óte úlken suranysqa ıe ári úlken tapshylyǵy bar», - dedi Qytaı elshisi.
Onyń atap ótýinshe, búgingi kúni Qytaıǵa qazaqstandyq ónimderdi ımporttaý úshin kedendik jáne basqa da kedergilerdi alý baǵytynda jumystar júrgizilip jatyr.
«Biz barlyq kedergilerdi alyp tastap, problemalardy retteý jáne Qytaı naryǵyna qazaqstandyq ónim úshin jaqsy múmkinshilik jasaý baǵytynda jumys isteýdemiz. Bul qytaılyq tutynýshylar qazaqstandyq ónimderdi kóptep satyp alýy úshin jasalýda», - dedi Hanhýeı.
