Qytaıda qazaqstandyq bal tanystyryldy
PETROPAVL. QazAqparat - Úsh soltústikqazaqstandyq kompanııa Qytaıda «Qazaqstanda jasalǵan» kórmesinde óz ónimderin usyndy, dep habarlady «QazAqparat» tilshisi óńirlik kásipkerler palatasyna silteme jasap.
Kórme QR Táýelsizdiginiń 25 jyldyǵy qurmetine uıymdastyryldy. Ónimin soltústikqazaqstandyq kompanııalar da tanystyrady. Óz taýarlaryn óńirge belgili «Sút ónimderi» JShS jáne oblystaǵy omartashylardyń biri JK Pelepýshko usyndy.
Taıaýda ótken kásipkerler forýmynda SQO ákimi Erik Sultanov Qytaı SQO omartashylarynan bal satyp alýǵa múddeli ekenin atap ótken bolatyn. «Taıaýda jylyna qýaty 300 myń tonna maı óńdeıtin zaýyt ashyldy. Barlyq ónim birden Qytaıǵa eksportqa shyǵarylady. Investorlar bizdiń ónimdi Qytaıǵa eksporttaýǵa baılanysty aýqymdy agroónerkásiptik park salýdy josparlaýda. Olar et, sút ónimderin, qaıta óńdelgen astyq pen bal ónimderin eksporttaý boıynsha eki mınıstrliktiń ýaǵdalastyqtaryn kútýde», - dedi óńir basshysy.
Eris Sultanov kompanııa bal óńdeıtin zaýyt salýǵa nıetti ekenin aıtty.
Ázirge óńirde shamamen 100 tonna ekologııalyq taza jáne sapaly ónim shyǵarady. SQO kásipkerler palatasynda kórmede SQO kásiporyndarynyń biriniń iri ınvestıtsııalyq jobasyn tanystyrý kútilýde. Bul SQO taýar óndirýshileri qatysqan Qytaıda ótip jatqan ekinshi kórme.
