Qytaıda qatty nóser saldarynan 19 adam mert bolyp, 130 myńǵa jýyq adam zardap shekti
BEIJІŃ. QazAqparat - Ortalyq, Shyǵys jáne Ońtústik Qytaıdaǵy uzaqqa sozylǵan nóser jaýyn saldarynan 19 adam qurban bolyp, 130 myńǵa jýyǵy zardap shekti.
Jeksenbi kúni jergilikti ýaqyt boıynsha saǵat 05.48 shamasynda Shyǵys Qytaıdaǵy Shandýn provıntsııasynyń Tsındao qalasynda jaýyn saldarynan zaýyttardyń biriniń súıenish qabyrǵasy qulap, 18 adamnyń ómirin qıyp ketti, taǵy úsheýi jaralandy.
Ortalyq Qytaıdaǵy Hýnan provıntsııasynda nóser jaýyn bir adamnyń ómirin jalmady, 10 myńǵa jýyq adam kóshirildi, apattan 112 myńǵa jýyq jergilikti turǵyndar zardap shekti.
Al Qytaıdyń ońtústigindegi Gýansı-Chjýan avtonomdyq aýdanynda qatty jaýǵan nóserden 16,3 myń adam zardap shekti. Apat saldarynan 9 ǵımarat qırap, 500-den astam adam shuǵyl túrde kóshirildi. Adam shyǵyny jaıly málimetter kelip túsken joq. Munda apat saldaryn joıý jumystary júrgizilýde.
