Qytaıda qaryzy bar 9,6 mln adam qara tizimge ilikti
ASTANA. QazAqparat - Qytaıda 2017 jyldyń sońyna qaraı aqshalaı mindettemelerin oryndamaǵandardyń sany 9,59 mln adamǵa jetti, dep habarlaıdy Sınhýa agenttigi QHR Joǵarǵy halyq sotyna silteme jasap.
Qara tizimge ilingen boryshkerler túrli shekteýlerge kezigedi. Máselen, olarǵa 9,36 mln avıabılet jáne 3,67 mln temirjol bıleti satylmaǵan.
Sot áýe jáne temirjol kompanııalaryna boryshkerlerge bılet satpaýy úshin olardyń derbes derekterin berip otyrady. Budan tys, bankter olarǵa nesıe kartalaryn resimdeýden bas tartady. Sot organdary jalpy somasy 180 mlrd ıýan (27,7 mlrd AQSh dollary) bolatyn depozıtterdi muzdatyp tastaǵan.
Qara tizimdegilerge túsetin taǵy bir aýyrtpalyq, olar endi zańdy tulǵa retinde qyzmet júrgize almaıdy, sondaı-aq basqarýshy laýazymdaryn ıelenýine de quqy joq.
