Qytaıda káriz qudyǵynda 60 saǵat otyrǵan áıel qutqaryldy - VIDEO
ASTANA. QazAqparat - Qytaıda káriz qudyǵynda 60 saǵat otyrǵan áıel aman qaldy. Tereńdigi úsh metrlik qudyqqa ony jigiti ıterip jibergen, dep habarlaıdy vesti.ru.
Gýo tekti áıeldi kárizge 100 myń ıýan (16,5 myń dollar) bereshegi bar jigiti túsirip jibergen. Polıtseıler álgi jigitti ustaǵan kezde, ol bul qadamǵa súıiktisi kózine shóp salǵan soń barǵanyn aıtqan. Keıin bereshegin qaıtara almaǵandyqtan, ony óltirmek bolǵanyn moıyndapty. Tipti, onyń qumar oıyndarǵa áýestigi bary da anyqtaldy. Onyń qurbysyn ıterip qana qoımaı, qudyqtyń betin jaýyp ketkeni kóshedegi beınekameraǵa túsip qalǵan.
Beıbaq áıel birneshe kún boıy shyǵýǵa árekettengen. Sodan soń, ústindegi kıimderin sheship, ony bir-birine baılap arqan jasap, sonyń kómegimen kóterilgen. Alaıda qudyqtyń qaqpasyn asha almaǵandyqtan, aıqaılap kómek suraǵan. Ony kóshede ketip bara jatqan adamdar estip, qutqarypty. Áıeldi alyp shyqqan kezde onyń denesi sý men býdan isip ketken.
