Qytaıda karantınge alynǵan qonaqúı qırap, tórt adam mert boldy
Qaza tapqandar sany ósýi múmkin. 28 adam qonaqúı úıindisiniń astynda qalyp qoıǵan. Úıindi astynan qutqarýshylar 43 adamdy shyǵarǵan. Tsıýanchjoý qalasynyń Lıchen aýdanyndaǵy Sıntszıa qonaqúıi shamamen 7:15-te qıraǵan. 71 adam úıindi astynda qalǵan.
Ǵımaratta jóndeý jumystary júrgizilgen. Ǵımarattyń qojaıyny polıtsııa baqylaýyna alynǵan. Qıraǵan qonaq úı 2013 jyly salynǵan. 2018 jyly ǵımarat 66 bólmesi bar qonaq úı bolyp qaıta jasalǵan.
BBC agenttiginiń habarlaýynsha, otel koronavırýs juqtyrǵan naýqastarmen baılanysta bolǵan adamdardy ustap otyrý úshin paıdalanylǵanyn habarlaıdy. Ǵımaratta bolǵan 71 adamnyń 58-i karantınde bolǵan.
Jergilikti órt kúzeti basqarmasy oqıǵa ornyna 200 órt sóndirýshini sondaı-aq Fýtszıan provıntsııasy 11 izdeý-qutqarý tobyn jibergen.
Tótenshe jaǵdaılar mınıstrligi jumys tobyn qutqarýshylarǵa kómektesýge jáne qıraý sebepterin anyqtaýǵa Tsıýanchjoýǵa baǵyttady. Mınıstrlik zardap shekkenderdi qutqarý úshin barlyq kúshti jumsaýǵa shaqyrdy jáne bolashaqta osyndaı jaǵdaılardyń aldyn-alý kerektigin atap ótti.