Qytaıda qar qursaýynda qalyp qoıǵan 40 alpınıst qutqaryldy
ASTANA. QazAqparat - Qytaıdaǵy Tsınlın taý jotasynda qar qursaýynda qalyp qoıǵan otyz jeti alpınıst qutqaryldy, dep habarlaıdy senbi kúni Qytaı ortalyq telearnasy CCTV .
Buryn habarlanǵandaı, 30 alpınısten quralǵan toptyń taýǵa órmeleýi barysynda eki adam qaza taýyp, 23-i iz-túzsiz joǵalǵan edi. Tek bes alpınıst qutqarylǵan bolatyn.
Sońǵy derekterge sáıkes, barlyǵy 37 adam, sonyń ishinde iz-túzsiz joǵalǵandar da qutqaryldy. Eki quzǵa órmeleýshiniń qaza tapqany rastaldy, taǵy bir alpınıst izdestirilip jatyr.
Tsınlın taý jotasy - Kýnlýn taý júıesiniń shyǵysyndaǵy jota, ıAntszy jáne Hýanhe ózenderiniń sýaıryǵynda ornalasqan. Onyń eń bıik núktesi Taıbashan taýy (3767 m) bolyp tabylady.
