Qytaıda qar basqan Anhoı provıntsııasynan 4 myń adam evakýatsııalandy
ASTANA. QazAqparat - Jeksenbide Anhoı provıntsııasynda (Shyǵys Qytaı) 4316 adam 25 qańtardan beri toqtaýsyz jaýǵan qar saldarynan shuǵyl túrde evakýatsııalandy, dep habarlaıdy Sınhýa.
Azamattyq ákimshilik jónindegi provıntsııalyq basqarmanyń málimdeýinshe, 11 qaladan, Hefeı, Hýaınan, Ýhý jáne Maanshandy qosqanda 481 myń adam, sondaı-aq 47 myń gektar aýyl sharýashylyǵyna paıdalanylatyn jer basyp qalǵan qardan zardap shekken.
Aýa raıynyń qolaısyzdyǵynan kelgen ekonomıkalyq shyǵyn 300 mıllıon ıýanǵa ( shamamen 47 mln AQSh dollary) baǵalanyp otyr.
Zardap shekken aýdandarǵa azyq-túlik, qarajat, kıim-keshekter jetkizilýde.
