Qytaıda qar barysyn óltirgen bes brakoner ustaldy
ASTANA. QazAqparat - Qytaıdyń soltústik batysyndaǵy Tsınhaı provıntsııasynyń polıtsııasy ótken jeksenbide brakonerlikte kúdikti tanylǵan bes adamdy qolǵa túsirdi.
Ustalǵandar janýarlardyń sırek túrlerin, sonyń ishinde qar barystaryn atýda aıyptalyp otyr, dep jazady Sınhýa.
Brakonerlerdiń úılerinen qar barystarynyń eki tutas eti, bir búrkit, úsh arqar, sondaı-aq alty nahýr men alty qaraquıryq tabyldy. Kúdiktiler óz kinásin moıyndady. Іs boıynsha tergeý amaldary jalǵasýda.
Álemde qar qabylandarynyń sany 5 myńnan astam, sonyń 2 myńǵa jýyǵy Qytaı aýmaǵynda tirshilik etýde. Qorshaǵan ortany qorǵaý boıynsha sharalardyń arqasynda sońǵy birneshe jylda qabylandar Qytaıdyń soltústik batysynan da baıqala bastaǵan.
