Qytaıda «qandy ózen» aqty
ASTANA. 10 qyrkúıek. QazAqparat - Qytaıdyń Chýntsına qalasynyń turǵyndary sumdyq kóriniske kýá boldy. Qala tusynan ótetin ıAntszy ózeni kenetten qandy túske boıaldy,
dep habarlady The Daily Mail.
Degenmen mundaı kóriniske qala turǵyndary qorqa qoıǵan joq. Tipti keıbir adamdar kádesyı retinde erekshe sýdy bótelkelerge quıyp aldy. Al balyqshylar bolsa, eshteńe bolmaǵandaı ózennen balyq aýlaý isterin jalǵastyrdy.
Qytaıdaǵy qandy ózen adamdardyń kinásinen oryn alýy múmkin. Óıtkeni Chýntsın qalasy iri ónerkásip ortalyǵy. Al elde dál osyndaı oqıǵa ótken jyldyń jeltoqsan aıynda oryn alǵan bolatyn. Sol kezde sýdyń qandy túske enýine zańsyz jumys istep turǵan eki shaǵyn boıaý zaýytynyń kinási bar ekendigi anyqtalǵan edi.
